«Hang down your head Tom Dooley…»
Ho la att augo og song,
mens ho slo på strengane
og samtidig kika ned i
Jørgen Ingmanns nybegynnarkurs.
«Hang down your head and cry…»
Ho tromma tankefullt
på Lucky Seven-gitaren
og tenkte seg langt,
langt forbi strekkmetalltrappa,
eit kast med hovudet,
fekk lokkane
vekk frå fjeset.
Eit nytt grep,
ho nynna lågare,
ifall dei sat og lya der inne.
Med eitt la ho gitaren ifrå seg,
kjeik vaktsamt over skuldra
før ho drog fram det kvite arket
ho hadde gøymd innpå barmen,
glatta det ut der i fanget,
las den jamne handskrifta
enno ein gong.
Det kom så langt bortanfrå,
hadde vore så lenge på reise,
brevet.
Foto: Eva C. Hildal
@evac.hildal
Tekst: Torstein Finnbakk Foto
@tofi1952 @finnbakkskrivestue
Finnbakk Skrivarstove 