På kjøkenbordet
var livsgrunnlaget.
Der vart grauten og flatbrødet sett fram,
og grovkaka og lefsa,
nyrørt rips og godt smør.
Til kvardags kasserollen
med uskrella, mjølne potetar.
Lettsalta torsk og flesk.
Ein sommars dag sprøsteikt auring
frå den grunne bekken.
Raud i kjøtet.
Kjøkenbordet
var midtpunktet
for ei handfull menneske
som benka seg rundt det
i ei tid gøymd bak bleike dagar.
Då han skulle ta dei første stega,
greip han
med dei små butte nevane sine
eit solid tak i bordkanten
for å heise seg opp.
For han var det
heilt utenkeleg
at det kunne velte.
Foto: Eva C. Hildal
@fotoevachildal
Tekst: Torstein Finnbakk
@skrivarstovami
Innhald:
Korte tekstar og dikt
Om små og litt større ting
Om meg
Finnbakk Skrivarstove 
👍